Shillong, June 15: Ka Hynniewtrep Achik National Movement (HANM) mynta ka sngi ka la pyntip ka ai ka jingkyrshan kaba pura a ka rai ban khmih bniah biang sa shisien ia ka bhah thungkam lane ka Reservation Policy.
Haba kren bad ki lad pathai khubor u President ka HANM bah Lamphrang Kharbani ula ong ba watla ka seng ka ai ka jingkyrshan ban bishar biang iaka Reservation Policy, hynrei ka sorkar kadei ban pynthikna ba kam dei ban ktah ia ka bhah mar 40% iaki Khasi-Jaintia bad Garo, 5% jong ka SC/OBC bad 15% jong kiwei pat.
“Ngi sngewthuh ba ki jaitbynriew Garo kin pyrshah lada ki shah knieh noh ka bhah 40% ba kidei ban ioh bad haka juh ka por ngi ruh ngin pyrshah lada ka Khasi-Jaintia ka shah knieh noh iaka bhah badei ban ioh bad dei namar kane ka seng ka kwah ban pynpaw ba lada ka sorkar ka bishar biang iaka Reservation Policy, kadei ruh ban pynthikna ba kam dei ban ktah iaka bhah ba baroh ki jaitbynriew ki la ioh naduh mynshawa” ong u bah Lamphrang.
U bah Lamphrang ula ong ba ka HANM ka pyrshah ia ka kyndon ba Garo kiba na kiwei pat ki jylla kin lah ban pyndap iaki kam ba thylli ba ki Garo na Meghalaya kim lah ban ioh.
Nalor kane u President ka HANM ula ai khublei ia ka sorkar jylla kaba la shim iaka sienjam ban thaw da ka Expert Committee ban khmih biang iaka Reservation Policy hynrei ula dawa naka sorkar ba kam dei ban thung dkhot ia kino kino kiba don bynta bad ki sengsain pyrthei.
 mynta ka sngi ka la pyntip ka ai ka jingkyrshan kaba pura a ka rai ban khmih bniah biang sa shisien ia ka bhah thungkam lane ka Reservation Policy.){kind=link}