Shillong, Nohprah 19: Ka Hynniewtrep Achik National Movement (HANM) hynne ka sngi ka la dawa na ka Sorkar Jylla ban pynbna ia u Mot (Mot France) ba don ha Motphran Shillong kum ka Heritage Site.
Ka HANM kala buh ia kane ka jingdawa hakhmat u Director ka tnat Urban Affair bad dawa ruh ba dei ban iada ia u Mot (Mot France) lyngba ki aiñ ki kyndon.
Ka HANM kala pynkynmaw ba u Mot (Mot France) ba don ha Motphran u dei ubala tei ia naka bynta ban sah jing kynmaw ia ka kynhun 26th Khasi Labour Corps kiba la don bynta haka thma bah ba nyngkong (World War I) ha France.
Ka seng kala pyntip ba une u Mot u dei uba la tei ruh ban kynmaw ia ki Khasi kiba don bynta ban rah ia ki tiar ialeh bad kiwei de ki jingdonkam jong ki shipai kiba iakhun ia ka thma bah ba nyngkong bad ia une u Mot la plie paidbah ha u snem 1927.
Namar kane, ka HANM ka dawa ban pynbna ia u Mot kum ka Heritage Site hapoh ki kyndon jong ka Meghalaya Heritage Act 2011 bad Regulation 2012.
 hynne ka sngi ka la dawa na ka Sorkar Jylla ban pynbna ia u Mot (Mot France) ba don ha Motphran Shillong kum ka Heritage Site.){kind=link}