Nongstoiñ, Lber 14: Ka FKJGP-West Khasi Hills kala dawa ia ka bor District ba kan pynkhlain noh mardor ia ki bor pahara ha Langpih namar ka jingiai wan pyni bor jong ki briew ka Sorkar Assam hapoh ka thain.
Kane ka jingdawa kala mih hadien ba ka Hima Nongmynsaw kala dawa ia u Deputy Commissioner ban tuklar halor ka jing shah thwet jong uwei u Sordar shnong ha ki Pulit ka Assam kat kum ka jingbthah jong uwei u Ophisar ka Tnad Forest ka Assam.
U President ka FKJGP-WKH Bah Chandra Nongkhar ula ong “ Ka long kaei kaei kaba pynsngew dom haba tang u forest police u la lah ban pyndik kat ïa u sordar shnong, wat haduh ban byrngem byrsit. Kaba kham sngew riew khlaw ka long ba ïa ka mobile ruh knieh kaba dei ka tiar shi met jong u briew”.
Une u Nongialam ula dawa ia ka Sorkar MDA-2 ba kan pynsted noh shaid shaid ia ki kam iapynbeit pud bad ka Assam khnang ban lah pynkut noh ia ka jingwan pynibor jong ka Sorkar Assam ha ki shnong khappud ka Jylla.
