Shillong, Risaw 31: Ka Federation of Khasi Jaintia and Garo People (FKJGP) Nongmensong Circle, kala dawa na u Symbud Myntri Rangbah ka jylla uba khmih iaka tnad pynroi sor u Bah Sniawbhalang Dhar ban sam paidbah ia ki iing baduk kiba don ha Nongmensong Lumphira.
Haba kren sha ki lad pathai khubor u General Secretary ka FKJGP Nongmensong Circle u samla Alan Kharkongor ula iathuh ba ki don 4 tylli ki Building ha Nongmensong kiba la tei ban sam sha kiba duk.
U samla Alan ula kam ba ia kine ki Building la dep ban tei naduh u snem 2008-2009 hynrei mynta kila kylla ktem awria namar ka tnad pynroi sor haduh mynta kam pat sam ia kitei ki iing sha ki longiing baduk kiba dei hok ban ioh.
“Watla ia ki 4 tylli ki Building la pyndep naduh ki snem 2008-2009 hynrei mynta kila sdang jot biang bad kila kylla kum ki ktem kam awria kaba buh jingma ia ki paidbah kiba iaid ba ieng hapoh ka thain Nongmensong Lumphira, namar kata ngi la dawa na u Symbud Myntri Rangbah ban pyndep noh kham kloi ban maramot bad ban sam sha ki briew ba duk ia kito ki Buiding” la ong u samla Alan.
U samla Alan ula iathuh ba na ka liang u Symbud Myntri Rangbah ula iathuh ba ka tnad kala dep pynkhreh iaka Detail Project Report (DPR) bad ha u snem ban wan, yn pyndep noh ban maramot.
 Nongmensong Circle, kala dawa na u Symbud Myntri Rangbah ka jylla uba khmih iaka tnad pynroi sor u Bah Sniawbhalang Dhar ban sam paidbah ia ki iing baduk kiba don ha Nongmensong Lumphira.){kind=link}