Shillong, Iaiong 25: Ka Confederation of Meghalaya Social Organizations (COMSO) ha ka sngi Thohdieng ka la dawa na ka Garo Hills Autonomous District Council (GHADC) ban leh eiei mardor halor ka jingnang kiew ka jingwan buhai shnong ki mynder ha Ri-lum Garo ka jingpyndonkam bakla ïa ki Trading Licence ki riewlum, bad ka jingai ia ka Trading by Non-Tribal (TNT) and hawkers licences sha ki bar jylla khlem da pynshisha.
Ka COMSO ha ryngkat ki nongialam na ki synjuk bapher bapher bad ki nongmihkhmat ka imlang sahlang, kila aiti da ka dorkhas kaba bnai bha sha u Chief Executive Member (CEM) ka GHADC, u Albinus R Marak.
Katto katne na ki mat ba kongsan ha ka dorkhas ki kynthup ia ka jingdawa ban pynsangeh noh mardor ia ka jingai ia ka TNT Licecne sha ki bar Jylla kat bym pat dep pynthikna bha ia ki bad ka rukom pynbeit kaba bniah.
Ka COMSO ka la dawa ban pynsangeh noh ïa ka jingai laisen ïa ki nongshong dukan madan ban khanglad ïa ka jingkhaii beaiñ ha surok da ki briew ki bym dei ki trai ri trai muluk bad ban buh ïa ka rukom lum jingthoh kaba ryntih ban tehlakam ia ka jingwan rung ki briew ba nabar sha Jylla, ban buh jingthoh da ki kor digital ia ki Licence bad ki kam khaii, kynthup ka TNT, ki Nongshong dukan madan bad ki dukan kaba lah ban ioh peit ki paidbah ha kano kano ka por nalor ban pynieng ia ka TNT Licence Check Gate ha ki jaka rung bad jaka iaid lynti ka khaii ka pateng ha Ri-lum Garo ban lah buddien ia ka khaii ka pateng.
Ka la dawa ruh ia ka GHADC ba kan pynsangeh noh mardor ban ai ia ka Tribal Trading Licences sha ki bar jylla lyngba ka jingiapynbeit proxy, kaba pynduhjait ia ka jinglong tynrai jong ki jingiada ia ka ioh ka kot jong ki riewlum.
“Ngi dawa ruh ïa ka GHADC ba kan mynjur ïa ka Resolution kaba kyntu ïa ka Sorkar Jylla ba kan rah iakren sha ka Sorkar Pdeng na ka bynta ban pynkylla ïa ka Scheduled Tribes Order, 1950, khnang ban pynbeit ïa ki jingbym ïahap kiba la slem bha bad ban ïada ïa ki jinglong tynrai jong ki jaitbynriew riewlum ba shisha,” ki la pynpaw ha ka dorkhas.
Ha kajuh ka por, ka COMSO kala ban jur ia ka jingdonkam ba ka GHADC kan pynlong ia ka dorbar kyrpang jong ka council kham kloi kat kaba lah ban iakren halor kine ki mar bad ban mynjur ia ka resolution.
 ha ka sngi Thohdieng ka la dawa na ka Garo Hills Autonomous District Council (GHADC) ban leh eiei mardor halor ka jingnang kiew ka jingwan buhai shnong ki mynder ha Ri-lum Garo ka jingpyndonkam bakla ïa ki Trading Licence ki riewlum, bad ka jingai ia ka Trading by Non-Tribal (TNT) and hawkers licences sha ki bar jylla khlem da pynshisha.){kind=link}