Shillong, Iaiong 25 : U Professor ka North Eastern Hill University (NEHU) Dr Alok Singh, ula jer kyrteng ia u President ka NEHUSU (Sandy Sohtun) bad 5 ngut kiwei pat, kiba donkti ban thombor bad shoh dusmon ia u ha ka janmiet sngi Palei hapoh ka Ophis treikam ha NEHU.
Kat kum ka ejahar bala mudui ha Mawlai Mawkynroh Police Outpost, u Dr Alok Singh ula iathuh ba ha ka janmiet sngi palei por 4 :45 janmiet, u President ka NEHUSU bad san ngut kiwei pat, kila wan rung bad khang kut jubor ia u hapoh ka kamra hapoh ka Tnad (Hindi). U iathuh ba kine ki samla kila shoh dusmon ia u bad byrngem ban pyniap da kaba bat ia ka khanshi ha ka kti.
Ula pyntip ruh ba namar kane ka jingthombor, ula mynsaw na ki bynta jong ka khlieh, ki kti bad ki kjat.
“Nga da sngewsih kthang bad dang sheptieng namar kane ka jingjia. Kum u Nonghikai, na sngew bym shngain shuh bad sngew tieng ban don hapoh ka campus” ula ong ha ka ejahar.
Une u Professor ula kyntu ia ki Pulit ba kin shim mardor ia ki lynti ka ain halor kane ka jingjia bad ban pynthikna ia ka jing shngain jong u bad ban pynneh ia ka burom jong ka skulbah.
 Dr Alok Singh, ula jer kyrteng ia u President ka NEHUSU (Sandy Sohtun) bad 5 ngut kiwei pat, kiba donkti ban thombor bad shoh dusmon ia u ha ka janmiet sngi Palei hapoh ka Ophis treikam ha NEHU.){kind=link}