Shillong, Iaiong 25 : Ka Shillong Muslim Union (SMU) ha ka sngi Palei, kala pynrem jur ia ka jinghiar thma jong ki lehnoh ia ki riew paidbah ha Pahalgam, Jammu & Kashmir.
“Ngi pynpaw ia ka jingsngewsih kaba jur bad ka jingiadon ryngkat bad ki lanot lem bad ki bahaiing hasem jong ki ha kane ka por ba sngewsih” ong u General Secretary ka SMU Alhaj Sayeedullah Nongrum ha ka kyrwoh.
U la bynrap, “Kum kine ki kam thombor kim dei tang ka jingbym don jingsngew lem shuh para briew hynrei ki ieng pyrshah pura ia ki jinghikai tynrai jong ka niam Islam, kaba kyntiew ia ka jingsuk, ka mynsiem isynei bad ka jinglong kyntang jong ka jingim briew. Ngi kyntait jur ia baroh ki jait kam lehnoh khlem da khein ki dei kiei ki nongleh ne ki jingthmu ba ki don.”
Ka SMU ka la kyntu ruh ia ki bor ba dei peit ban leh eiei mardor pyrshah ia kiba donkti bad kyrpad ia baroh ki jaitbynriew ban iatylli pyrshah ia ka jingshun bad ka jingshah thombor.
 ha ka sngi Palei, kala pynrem jur ia ka jinghiar thma jong ki lehnoh ia ki riew paidbah ha Pahalgam, Jammu & Kashmir.){kind=link}