Shillong Kyllalyngkot 10: Ka Confederation of Meghalaya Social Organisations (CoMSO) hynne ka sngi Saitjaiñ, kala pynrem jur ia ka jingjia kaba la jia ha ka sngi Thohdieng ha West Garo Hills District kaba la lam sha ka jingkhlad noh jong uwei u samla Garo.
U Chairman ka Confederation of Meghalaya Social Organisations (CoMSO) u Bah Roy K. Synrem, ha ka kyrwoh khubor ula pynpaw, ba ka jingduh noh ia ka jingim kaba kordor jong u samla Garo, kala pyni ia ka jingpulom ka rukom treikam ha ka synshar khaddar bad ka mon ha ka liang ka saiñ hima ban iada iaki paid riewlum bad ia ki jaka ha Meghalaya.
Ula ong, ba katei ka jingjia, kam dei kaba la jia tang mynta hynrei kadei kaba la mih beit na ka jingbym lah ban pyrkhing ia ka jingwan shong wan sah be-aiñ, ka jingjur jong ka jingtih pathar ia ki maw ha ki par maw ne ka jingailad ki bor kiba dei khmih.
Ka CoMSO ka dawa na ka sorkar jylla ba kadei ban ithuh noh mardor, kem bad pynshitom ia kiba donkti ha katei ka kam runar, khlem da iada iano iano ruh lyngba ka jingshah pynbor ha ka liang ka kam saiñ pyrthei ne ha ki heh ophisar bad ym lah ruh ban pdiang ia ki jingtohkit kiba long tang ki jingpyndep rukom ne ki jingai ia ki jingkular kiba man la ka por.
“Dei ban kyndang noh ia kiba sah be-aiñ kiba la dep ban ithuh ha katei ka jaka, da kaba bud ryntih ia ki kyndon aiñ, khlem kano kano ka jingpynslem bad ban khang khyrdep lut ia baroh ki par tih maw kiba be-aiñ kiba treikam da kaba pynkheiñ ia ki kyndon ban iada ia ka mariang, jaka bad ia ki aiñ ban tih, ryngkat bad ka jingshim kam ha kaban pynngat ha ki kyndon aiñ ia ki trai par bad ki nongkyrshan tyngka bad wat ki ophisar kiba la ailad ban pyniaid shakhmat ia katei ka kam” la dawa ka CoMSO.
Ka CoMSO kala byrngem ba lada pulom ha kaban leh eiei mynta halor kane, kan pynshlur ia ki kam be-aiñ kaban pynduh ia ka jingshaniah ki paitbah ia ki bor khmih jongka jylla bad ki paitbah ka jylla ki dang peit bniah bad kin ym lah ban shu peitkai lada ki jingleh ia ki kam be-aiñ ki dang iaid shakhmat.
 hynne ka sngi Saitjaiñ, kala pynrem jur ia ka jingjia kaba la jia ha ka sngi Thohdieng ha West Garo Hills District kaba la lam sha ka jingkhlad noh jong uwei u samla Garo.){kind=link}