Shillong, Risaw 02: U Rangbah Shnong ka shnong Brichyrnot East Jaintia u Bah Stanly Massar, u la iathuh ba dang shen, ka Dorbar Shnong ka la thoh sha u Deputy Commissioner (DC) ka East Jaintia Hills ban maramot noh mardor ia ka surok ba pyniasoh sha ka surok bah (National Highway 06).
Haba kren sha ki lad pathai khubor, u Bah Stanly Massar u la pyntip ba ka surok na Brichyrnot sha NH 06 ka jngai tang kumba 4 km eiei.
Ula kam ba ka kompani Star Cement ha u snem 2021 kala shna ia ka surok da ka dewbilat (RCC) kaba jngai 1.4 Km hapoh shnong.
La sakhi ba kane ka surok RCC ha katei ka shnong ka dang long kaba bha hynrei lah ban iohi ba ka surok kaba dang sah, kaba 2.4 km kaba pyniasoh ia ka surok NH 06 ka la jot rathai lut.
U Bah Stanly u la ïathuh ba ha u snem 2022, ka Tnad PWD kala shna ïa ka surok kaba pynïasoh bad ka surok bah NH 06 bad la siang rong lyngba ka District Minerals Funds (DMF) East Jaintia Hills ha ka jinglut kaba T.50 lak tyngka.
“U DC u la pynthikna ia ka Dorbar Shnong ban ai jingmang tyngka na ka DMF na ka bynta ban maramot ia kane ka surok” u la bynrap.
 ka East Jaintia Hills ban maramot noh mardor ia ka surok ba pyniasoh sha ka surok bah (National Highway 06).){kind=link}