Shillong, K’lyngkot 11 : Ka Bharatiya Janata Party (BJP) kala dawa ban ai da ka jingpynshitom ba tyngeh tam ia ki briew kiba donkti ha ka jingpyniap dusmon ia u dkhot ka ACHIK Dilseng M Sangma bad kyntu ia u Myntri Rangbah ka Jylla Conrad K Sangma ban pynthikna ia ka jingtohkit kaba bniah halor kane ka jingjia bad ki kam tih par beain ha Jylla.
“Haba dawa ia ka jingpynsajia ba tyngeh ia ki briew ba donkti ha kane ka kam bymman, ka State BJP ka kyntu ia u CM ban pynthikna ba ha kane ka kynti ki bor Sorkar kim dei ban pynkut tang ha ka jingkem ia katto katne. Ka kam tih par beain ha kylleng ki jaka ka dei ia kaba hap ban tohkit bniah, shim ia ki lynti ban pynbeit, pynsangeh shi junom ia ki kam bymman bad baroh ki briew ba donkti ki dei ban shah kem” ong u Nongaiktien ka BJP Bah M Kharkrang ha ka kyrwoh hynne ka sngi U Blei.
Ula ong ba ka jingiap u Dilseng M Sangma, uba shah shoh ha ka kynhun ki briew ba donkti ha ki kam tih par beain, kala pynlong ia baroh ki nongshongshnong ka Jylla ban sah ha ka jingkyndit, jingsngewsih bad ka jingbym sngew lah ngeit.
“Ka BJP Meghalaya ka iasnohkti lang bad baroh ki nongshongshnong ha ka jingsngewsih ia ka jingduh noh ka mynsiem briew, kaba la shu shim jyndet dang kloi palat na ngi, ha ka rukom kaba ishyrkhei tam. Ka jingiap la ka long ha kano kano ka rukom ka wanrah ia ka jingsngewsih kaba khraw, ka jingshah pyniap ka ktah ia ka dohnud jong uno uno u briew uba don ka jingtip lem. Kaei kaba pynsniew shuh shuh ia ka jinglong jingman bad kaba pynlong ia ngi ba nang sngewsih shuh shuh ka long b une u rangbah u dei na ka Jaidbynriew Garo, ka Jaidbynriew kaba ka jingnoh synniang jong ka sha ka Jylla ka long kaba ym lah ban thew”.
Kat kum ka jingong u Bah Kharkrang, kane ka jingjia ba shyrkhei, sa shisien ka pyni ia ka jingktah ki kam tih par beain ha Meghalaya bad ki jingjot ba mih man ka por na ka.
Ka Jylla kala sakhi ia kum kine ki jingjia ha ki por bala leit noh ha kylleng ki thain, la ka dei ha ri-lum Jaintia, lane ri-lum Khasi, kane ka jingjia ha ri-lum Garo ka shu bynrap ia ka thup kaba jrong jong ki kam bymman bad ki jingiap ki briew na kane ka kam sniew kaba donkam ban pynduhjait noh mardor, ula bynrap.
 kala dawa ban ai da ka jingpynshitom ba tyngeh tam ia ki briew kiba donkti ha ka jingpyniap dusmon ia u dkhot ka ACHIK Dilseng M Sangma bad kyntu ia u Myntri Rangbah ka Jylla Conrad K Sangma ban pynthikna ia ka jingtohkit kaba bniah halor kane ka jingjia bad ki kam tih par beain ha Jylla.){kind=link}