Shillong, Iaiong 23 : Ka ABVP Meghalaya ha ka sngi Ba-ar, kala dawa ban kem bad leh tyngeh ia ki briew kiba donkti ha ka jingle beijot ia arngut ki Khynnah Kynthei dang shen ha Ri-lum Garo.
Ha ka kyrwoh, u State Secretary ka ABVP Tengku M Marak ula ong “Ka ABVP ka pynrem jur ia kane ka kam bymman bad dawa ia ka jingbishar kaba hok ia ki lanot bad ka iing ka sem. Ngi kyntu ia ka imlang sahlang ban kren pyrshah ia kane ka kam riewkhlaw bad ban iatreilang ban pynthikna ba kin ym jia shuh”.
“Watla kala jan dap shitaiew naduh ba jia ka jingjia, ka Sorkar kala shu sngap jar ia kane ka jingjia. Ka ABVP Meghalaya ka kyntu ia ki bor Sorkar ba kin leh eiei mardor pyrshah ia ki riewbymman, ban pynlong ia ka jingtohkit kaba bniah ha kaban pynthikna ba ki lanot kin ioh ia ka jingbishar bah ok” ula ong.
Kane ka jingjia kala jia ha South West Garo Hills ha ka 17 tarik Iaiong, 2024 ha ka por ba dang long ka Changa Benga, Mela ha Gandhipara.
