Shillong, Nailar 04: Ka kynhun State Disaster Response Force (SDRF) hynne ka sngi ki la sdang biang ia ka jingwad ia u Ophisar ka tnat Agriculture Teseng M Sangma ha ka wah Ganol ha Sella Wari hajan ka Tura, West Garo Hills.
Lah ban kdew ba u Ophisar u Teseng M Sangma ula jah rngai hadien ba u la shah rong noh ha ka umsaw kaba jur ha ka wah Ganol ha ka por mynstep jong ka Sngi U Blei.
Ka kynhun SDRF ka la sdang ïa ka jingwad naduh ka por 4 PM mynstep jong ka Sngi U Blei hadien ba la ioh jingbthah naki bor district West Garo Hills.
Ka kynhun SDRF ka la ïatreilang bad ki bor district, ki pulit bad ka Fire and Emergency Services ban wad ia u Ophisar hynrei la pynsangeh noh ia ka jingwad ha ka por 7 PM namar ba la kem dum palat.
Ka jingwad ka la sdang biang mynta ka step ha ka por 8 baje mynstep, ha kaba ka kynhun jong ka SDRF ka la sdang biang iaka jingwad na wah ha Pelga Wari.
U Deputy Controller ka Civil Defence ka West Garo Hills u Timai K Sangma u la ong ba ka jingwad ka dang iaid haduh mynta.
Kane ka jingwad ia u Ophisar kala iaid mynta la 2 sngi.
 hynne ka sngi ki la sdang biang ia ka jingwad ia u Ophisar ka tnat Agriculture Teseng M Sangma ha ka wah Ganol ha Sella Wari hajan ka Tura, West Garo Hills.){kind=link}