Shillong, Lber 05 : Ka Myntri ka Koit ka Khiah Kong Ampareen Lyngdoh ha ka sngi Balang kala pyntip ba ka jingtyrwa ban tei ia ka State Dispensary ha Mawlai Nonglum ka dei kaba dang iashong pyrkhat.
Haba jubab hapoh ka Iingdorbar, ka Kong Ampareen kala ong ba shibun ki rai la dep ban iashim hadien ka jingleit iajurip shisien bad mynta yn sdang pyniaid noh ia ki kam ba donkam.
“Naba ka jaka kam dei satia jong ka tnad ka Koit ka Khiah, ngi la pan ia ka NoC na ka Dorbar Shnong ba dei khmih. Ngi la pyndep ia ka jingkhein ia ka jinglut bad ngi dang iashong bishar ia ka SOR jong ka PWD bad ka shong ha ka jingioh pisa, ngin sa buddien ia kane ka kam” kala kular.
U MLA ka VPP na Mawlai Bah Brightstarwell Marbaniang ula kyrpad ia ka Sorkar ban pynkloi noh ia ki kam namar ka Dispensary ha Nongrum kala treikam ha ka iing kaba shu wai.
