Shillong, Rymphang 22 : U Symbud Myntri Rangbah ba khmih ia ka tnad kam Pohiing (Police) Bah Prestone Tynsong ha ka sngi Palei, ula pyntip ha Iingdorbar ba ka jingbuh ia ka fire service ha Mawryngkneng ka dang iaid ha ka jingpynkhreh.
Haba jubab ha ka kynta kylli jingkylli, u Bah Prestone ula ong ba shisien bala dep ka jingaiti ia ka jaka sha ka tnad Pulit, ka jingpynkhreh ban tei ia kane ka jingtei kan sa sdang noh.
Ula iathuh ba ka jingthied ia ka jaka kala jan dep artad bad kam shym la don satia kano kano ka soskular bala iateh bad ki trai jaka.
U Bah Prestone ula kular ruh ban bishar ia ka jingai jingmut jong u MLA ka TMC na Nongthymmai Bah Charles Pyngrope halor ak jingdonka ban buh ia ki kali pynlip ding ha kiba bun ki jaka ba kin kloi ha kaban ai jingshakri haba don kano kano ka jingpluh ding.
