Shillong, Iaiong 22 : U Myntri ka Tnad Community & Rural Development (C&RD) Abu Taher Mondal ha ka sngi Ba-ar, ula pyntip ba ka jingpyniasoh ia ki Job Card bad u Aadhaar kan dang ban kot ia ka 100%.
Kat kum ka jingong jong u, ka jingpyniasoh kala sdang iaid shaid shaid bad kane kan iarap shikatdei eh ban lah pyntreikam ha ka lynti kaba iaid beit iaid ryntih ia ka Mahatma Gandhi National Rural Employment Guarantee Scheme (MGNREGS) hapoh ka Jylla.
“Ngi la kham biang mynta haba ianujor bad u snem bala lah. Hynrei, ngin dang ban kynjoh 100 % ka jingpyniasoh ia ki Job Card bad u Aadhaar” ong u Myntri gaba iakren bad ki nongthoh khubor.
“Namar kata, ngi la bthah ia ki Block Development Officer (BDO) ba kin peit ba baroh kiba ioh jingmyntoi ki dei ban pynrung kyrteng Aadhar bad dei ruh ban pyniasoh ia u Aadhaar bad ka Job Card” ula bynrap.
U Myntri ula pyntip ruh ba ka jingsahteng ban pyllang ia ka song pisa ha ki por bala leit noh ka dei na ka daw ka jingbym pyniasoh ia ki job card bad u Aadhaar.
“Ngi la mad ia shibun ki jingeh. Kumta ngi la iakren bad u Myntri Rangbah ka Jylla, uba la thoh sha ka Sorkar India ban pyllait noh ia ngi. Ka Sorkar India kala mynjur ban pyllait ia ngi haduh arsnem ryngkat ka jingbuhpor ba hadien kane kan nym don shuh ka jingailad”.
Ula ong ruh ba ki don katto kato ki bill ym shym la lah satia ban shna bad pyllait namar ki don ki kyrteng jong ki briew ki bym pat pyniasoh satia bad u Aadhaar.
 Abu Taher Mondal ha ka sngi Ba-ar, ula pyntip ba ka jingpyniasoh ia ki Job Card bad u Aadhaar kan dang ban kot ia ka 100%.){kind=link}