Shillong, Nailar 23 : U Myntri Rangbah ka Jylla Conrad K Sangma ha ka sngi Balang, ula ong ba ka Sorkar Jylla ka dang ap ia ka jubab na ka Sorkar Pdeng haba iadei bad ki samla pule Doktor na Meghalaya, kiba shah ktah n aka jingkhie ka thma iapher Jaidbynriew ha Manipur.
Haba iakren bad ki nongthoh khubor, u Conrad ula pyntip ba ka Sorkar Jylla kala dep phah da ka jingthoh sha u Myntri ka Tnad ka Koit ka Khiah ka Sorkar Pdeng ba ka Sorkar ka lah ban ai jaka ia ki samla pule Doktor ka Jylla ba wan phet na Manipur ha North Eastern Indira Gandhi Regional Institute of Health and Medical Sciences (NEIGRIHMS) lane kino kino ki jaka pule Doktor ka Sorkar Pdeng.
“U Myntri ka Sorkar Pdeng ula ai ka jubab kaba sngewtynnad ia ngi ha kato ka sngi haba pynpaw ba ym tang ma u hynrei kiwei ruh kila kren shaphang kane bad kila iakren ruh hapdeng ki Myntri Sorkar bad ka Sorkar Pdeng halor kane ka kam bad baroh ki don jingsngew halor kane ka bynta hynrei ia ka rai ba khatduh ym pat shym la shim satia” ula ong.
“Ngi la iakynduh ia u Myntri ka Tnad Agriculture ruh bad ula shimkhia mardor ia ka kam. Nga khmih lynti ba ngin sa ioh ia ka jubab kaba sngewtynnad n aka bynta ki samla pule doktor ruh hynrei kumba nga ong, ka rai mynta ka shong ha ka Sorkar Pdeng hynrei ngin dang iai pynbor ia ka Sorkar Pdeng khnang ba ki samla jong ngi kin ym duhnong” ula bynrap.
U Myntri Rangbah ula ong ba ka jingsngewkhia khyndiat halor ka jingshngain bad hooid ka Sorkar Pdeng bad Sorkar Jylla kila buh hakhmat eh ia ka jingshngain jong ki samla pule.
“Hooid, ia baroh kine ki sienjam la dep ban shim hynrei kam dei sati aka kam kaba suk ban shim rai khamtam ki kmie ki kpa kiba don ka jingsngewkhia” ula ong.
Pule ruh: Pat jingshai ka KSU ba ioh ki nong Assam ban leit pule MBBS naka bhah ka Meghalaya
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
