Shillong, Naitung 18: Ki pulit ka Lumdiengjri Police Station hynne ka sngi kila dain kuna iaki kali kiba tah iit iong kiba iaid ha nongbah Shillong.
Ka tnat Pulit kala shim ia kane ka sienjam ban tehlakam ia ka jingpynkheiñ kyndon aiñ khamtam haba iadei bad ka jingniah kali ha kylleng ka nongbah Shillong.
Ha kane ka sngi, ki Pulit ka Lumdiengjri Police Station ka la ioh bat ia kawei na ki kali kamai na Shillong sha Umsning, kaba don ia u Registration Number ML 10 C 5814 bad la lap ba ka jingtah ïit ïong kaba rben haduh 100 percent.
Ki pulit ka Lumdiengjri Police Station ki la daiñ kuna ia u nongniah ia katei ka kali bad la khoh noh mar mar ia ka Plastic rong iong kaba la tah ha katei ka kali.
La iathuh ba ki bor Pulit ka East Khasi Hills ka la btah ba kan ai Challan ia ki kali kiba pynkheiñ ia ki kyndon aiñ 92 bad 100 jong ka Central Motor Vehicle Rules, 1989 bad katkum ka Section 177 jong ka MV Act yn tar bad khoh ia ki ïit ba tah plastic ïong.
Lah ban kdew ba dang shen naka liang ka ophis Superintendent of Police (SP) East Khasi Hills District ka la maham tyngeh pyrshah ia kino kino kiba tah ïit-ïong ia ki ïit kali namar ka long pyrshah ia ka aiñ.
Pule lang ia kane: Pynpaw ka Myntri ba ym sngew iahap ia ka jingdawa Winter Capital ka ACHIK
