Biswanath, Nailar 23 : Uwei u nongdie doh ula thombor ia uwei u briew da ka wait kat haduh ba un da mynsaw jur hadien ka jingiania halor ka pisa 30 tyngka hapoh ka shnong Rongamati, hapoh Biswanath district ka Assam.
Katkum ki khubor la iathuh ba utei u lanot ia uba la tip kyrteng kum u Prashanta Boro ula poi sha ka jingiania kaba jur bad u nongdie doh kaba la pynlong ruh ia u nongdie doh ba un shim da ka wait bad thombor ia u Boro kat haduh ba un da mynsaw jur.
Ia u Boro la pynkit noh mardor shapoh hospital bad hadien la pynkynriah noh sha Tezpur Medical College Hospital (TMCH) namar ka jingmynsaw kaba jur.Hadien bala ioh ia kane ka jingtip, na ka liang ki pulit ka Biswanath ki la her bran bran sha katei ka jaka ba la jia bad kem noh ia utei u nongdie doh ia uba la tip kyrteng kum u Mani.
Dang shen, kata ha ka 14 tarik mynta u bnai, uwei u samla uba kyrteng u Manjur Ahmed ula mynsaw jur na ka jinging hadien ka jingshah thombor da ka acid ha Karimganj district ka Assam.
Ki khubor ki iathuh ba u Ahmed ha kaba nyngkong ula ngat shwa ha ka jingshah thombor bad hadien ula shah theh sa da ka acid, kata ka jingjia ia kaba la sakhi ruh da ki trai shnong.Ia une u samla la pynkit noh mardor shapoh Gauhati Medical College and Hospital (GMCH) hapdeng ka jingmynsaw kaba jur.
Halor kane ka jingjia na ka liang kiba haiing hasem jong une u lanot ki la leit ban ujor hapoh Patharkandi police station.Ia ki nongthombor ym pat shym la ithuh satia.Hynrei, watla katta ka jingtohkit halor kane ka jingjia kala iaid shakhmat, bad ba ki briew kiba donkti kin ym lait na ka jingshah pynshitom, ong ki khubor kiba la shim ia ka jingkren jog u heh pulit.
