Da ka song pisa sam u MLA Mawlai sha ki kynhun ialehkai

Date:

Share post:

Shillong, Naitung 14: Ka Ryntih Sports Club ka la ioh ia ka work order kaba 2 lak tyngka na u MLA ka Mawlai Konstitwensi u Bah Process T Sawkmie, katba ka Mawtawar SC ka la ioh 50 hajar tyngka, ki nongialehkai Calisthenics, ka Seng Samla Mawiong Umjapung Dong Tariang A bad u bah Alexshon Mylliem Umlong uba ialehkai armwrestling ki la ioh ia ka song pisa kaba u la aiti ha ophis treikam jong u Mawlai Nongpdeng hynne ka sngi Palei.

Ha kane ka juh ka sngi u MLA u la aiti ruh ia ki tiar shet tiar tiew sha ka shnong Umsaw Mawjynrong kaba u la mang na ka bynta baroh ki dong kiba don hapoh kane ka shnong ha ka jingdon ryngkat u Rangbah Shnong bah R. Mawthoh bad kiwei.

Ia kine ki jingiarap u MLA u la mang na ka MLA skhim ka jong u ka Special Rural Works Programme (SRWP).

Na ka liang ka Ryntih ka kynhun kaba shim bynta ha Shilllong Premiere League la mih khmat da u bah Wanlam Kharpran, uba long u manager kane ka klob. Na ka Mawtawar SC kaban iakhun ia ka 2nd Division jong ka Shillong Sports Association la shimti da u rangbah shnong bah Cornelius Kharkongor ha ka jingdon ryngkat ki nongkitkam ka club bad ki nongkitkam shnong.

Na ka Calisthenics kaba dei ka jingialehkai thymmai u la aiti ia ka song pisa ha u Wantei Hadia bad Rehearsal Jones Hynniewta ki ban leit shim bynta ha ka jingiakob kaban long ha Pune ha ka 17 tarik mynta u bnai Naitung. Kumba shu kdew kane ka dei ka jait jingialehkai ba la ju leh ia ki push up, kiba ia syriem ia ka rukom lehkai gym, gymnastic bad kiwei.

U bah Alexshon Mylliem Umlong u la ioh ia ka song jingiarap na ka bynta ka jingleit iakhun kti jong u sha Uttar Pradesh. Katba ka Seng Samla Mawiong Umjapung dong Tariang A, ka la ioh ia ka jingiarap na ka bynta ban pynlong ia ka jingiakob khwai dohkha ba la aiti ha u bah DB Shangpkiang.

Haba ai jingkren u bah PT Sawkmie u la pynpaw ia ka jingsngewkmen ban don bynta lang haba kyrshan ia kine ki sport Club bad baroh kiwei kiba la ioh jingiarap bad u la ong ba ka dei ka bynta jong u kum u nongmihkhmat ban kyrshan ia kiba donkam jingiarap hapoh ka thain.

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...