Shillong, Nailar 19: Ka Rangdajied United ka la ioh ban khur ia ki lai point hadien ba ka la ioh ban pynliem noh da tang 1-0 kol ia ka Mawkhar ha ka jingiakhun jong ka Shillong Premier League kaba itynnad bha kaba long ha kane ka janmiet ha madan Third Ground, Polo.
Ia katei ka shi kol la ioh ban thep da u Knerktilang Buam, kaba la jia ryngkhat da kaba phalang na ka bol kaba dei na u rangap dien ka kynhn ha ka minit kaba 14 jong ka kylla step.
Ha ka jingiakhun ha ka kylla kaba nyngkong, kitei ki arliang mamla ki la ioh thep mar 1-1 kol ha ka jingiakhun kaba long ha ka 18tarik u JYlliew mynta u snem.
Da ka jingjop ka Rangdajied ka la don mynta da ki 18 point ha ka kyrdan kaba lai katba ka Mawkhar pat ka don ha trai duh jong ka miej ia khein point da ki 3 point.
Ka Rangdajied watla ka jop ha kane ka sngi bad ia ryngkat ka jingkhur point bad ka Langsning hynrei ka la wan hadien ka Langsning kaba don mynta ha ka kyrdan kaba ar.
Ka jingiakhun ha kane ka sngi Saitjain pat kan long hapdeng ka Malki kaba don mynta 4 point pryshah ia ka Ryntih kaba don ha ka kyrdan kaba saw da ki 14 point. Ha ka jingiakhun ha ka kylla kaba nyngkong, ka Ryntih ka la ioh ban pynliem da 3-0 kol ia ka Malki ha ka 17tarik u Jylliew.
