Shillong, K’Lyngkot 31: Ka tnat Directorate of Sports and Youth Affairs ka Sorkar Meghalaya, kan pdiang burom lashai ka 1 tarik Rymphang ia ka kynhun ialehkai phutbol ka Meghalaya da ka Open Truck Road Show naduh Mawlai.
Ka kynhun ialehkai phutbol ka Meghalaya kala ioh rah ia ka nam kum ka Champion jong ka Khelo India Youth Games 2023 da ka jingpynliem ia ka Punjab da 2-0 kol ha ka jingiakhun ba long hynne ka sngi ha Tamil Nadu.
Kane ka jingpdiang burom kan sdang na Banalari World Cars Mawlai Petrol Pump bad iaid lyngba Mawlai Iew Rynghep, Seng Khasi College Jaiaw, Mawbynna Jaiaw Pdeng Main Rd, Mawkhar Main Road, Motphran, Police Bazar sha DC Office ter ter sha Raj Bhawan, IGP, Additional Secretariat, Main Secretariat sha DC Office, Wards Lake, Polo bad yn pynkut hapoh ka MFA Football Ground haka por 2 baje mynsgi.
