Shillong Naitung 08: U Bah Ransom Sutnga uba dang shu shongthait shen kum u Executive Engineer ka PWD Building, ha ka 8 tarik u Naitung ula kyntait ia ki jingkynnoh jong ka Hynniewtrep Youth Council ba u la pynkiew iaka dor ban tei iaka ïing dorbar thawaiñ ka jylla haba maham ba yn iaid da ka lynti jong ka aiñ pyrshah ia kito kiba shu kynnoh khlem kano kano ka sabut.
U Bah Ransom Sutnga u la ong, ba u Executive Engineer bad ka ophis jong u, kim donbor eiei ban pynkylla iaka dor jong ka Tender namar ka bor jong u EE ha kaba iadei bad ka kam pisa pilaiñ ka long tang hapoh 6 lak tyngka katkum ka Financial Rule bad wat ban pynkiew dor iaka jingpyntrei iaka projek ruh hap ban iaid katkum ka Official bad Technical Procedures ha kaba ki tnad bapher bapher ki da shong jingialang ban iatai sani bad ban ai iaka jingmynjur”.
“Ka ophis jong u EE ka pynkhreh ia ka Revised Estimate bad ka phah sha ka ophis jong u Chief Engineer PWD (B) ba yn ai iaka jingmynjur bad hadien kane, u CE u phah pat sha ka User Department kaba dei ka Parliametary Affair bad haba ka Parliametary Affair kala ioh ia kane ka Revised Estimate kaba la ioh jingmynjur ka lum iaka jingilang jongka Departmental Sanctioning Committee bad ha kane ka Committee ki don ki dkhot jongka Parliamentary Affairs, ka tnat PWD (B), Meghalaya Legislative Assembly Secretariat bad na ka Finance Deparment. Hadien bala ai iaka Administrative Approval, ka Parliamentary Affairs ka phah ia kane sha ka Planning Department bad haba ka tnad Planning ka ioh ia kane kumta ka phah pat sha tnad Finance ban ioh ia ka bhah tyngka” la pynshai u Bah Ransom bad ka bynrap “Hadien ba la dep mynjur ia katei ka jingpynkiewdor, kumta ka tnad Finance ka phah pat sha ka tnad ParliamentaryAffairs bad bthah ban leh ia kaba donkam bad ka ai jingtip bad bthah ruh ia u CE ka PWD Buildings ban leh ia kaba donkam.
Ha kaba iadei bad ka jingkynnoh ba iaka jingpynheh ia ka dor ym shim la ioh iaka jingmynjur naka High Power Committee, u Bah Ransom ula ong, ka ophis jong u EE kam dei ka bor ban wad iaka jingmynjur naka HPC.
Ha kaba iadeibad ka jingdawa ka HYC ban phah tohkit ha ka CBI, u Bah Ransom u la ong, naduh ka sngi ba ka Dome kala khyllem u la dep ban kubur ba dei ban don da ka kynhun tohkit ban lap iaka jingshisha baroh.
U Bah Ransom u la ong, ha ka jingtei iaka Assembly kaba thymmai ym shim la khmih ne peit tang marwei ia kane ka jingtei baroh kawei, hynrei ka don ka Supervising Team kaba kynthup ia ka kynhun ki Engineer bad ki Architect jongka tnad PWD (B), ki Architech bad ki Engineer jongka Design Associate na Delhi bad ki Supervising Engineer bad ki Project Manager jong ka kompani kaba pyntrei ia katei ka projek.
U ne u rangbah u la ong, baroh ki don ia ka hok ban pan jingtip lyngba ka RTI hynrei dei ban sngewthuh bha ia ki jingioh jingtip bad lada ym nang ban batai bha ki lah ban ialam bakla pat ia kiwei.
U Bah Ransom u la ong, ba don ki riewshimet kiba la kynnoh ba u la donkti ha kaban khmih iaka jingtei iaka Inter State Bus Terminus (ISBT) bad u la pynshai ba ym shim la donbynta eiei ruh em bad ka jingtei iaka ISBT namar ia kane ka kam la aiti ban khmih da ka tnad PWD Roads ym da ka PWD Buildings.
U la ong, ki jingkynnoh pyrshah ia u, ki lah ban ialam bakla ia ki paidbah bad nangne shakhmat lada don kiba kynnoh khlem ki sabut kiba biang, kumta ym banse ban iaid noh da ka lynti jong ka ain.
