Shillong, Naitung 26 : U Symbud Myntri Rangbah ka Jylla ba khmih ia ka tnad kam Pohiing (Police) Bah Prestone Tynsong ha ka sngi Thohdieng, ula maham ban leh da kaba tyngeh haduh u pud ban ‘Blacklist’ ia ki contractor bad ki riew shimet, kiba khlem bud ne pynkhein ia ki Ain bala don ha Jylla, kiba iadei bad ki nongbylla bar jylla.
Haba iakren bad ki nongthoh khubor, u Bah Prestone ula ong “Ka jingkyrpad jong nga ia baroh, khamtam ki contractor, ki kompani shimet lane mano mano ba don bynta ha ka jingwanrah ia ki nongbylla nabar ka Jylla, ngim long pyrshah ia ki, ka Sorkar kam long pyrshah ia ka hynrei sngewbha pynthikna ba phi don ia ki kot ki sla kiba donkam”.
“Lada phim wan shuh lane wan tad hadien ba phi la ioh lut ia ki kot ki sla. Lada phim ioh, sngewbha kan bha ba phin nym wan namar kumba nga ong sha phi, ka dei ka jingbym lah jong phi, ym ka jingbym lah jong ngi” ula ong.
U DyCM ula bynrap “Namar kata, nga kyntu iaki nongsengkam shimet, ki kompani ne contractor, ki dei ban shimkhia bha ia kane bad nga sngew ba ka por kala dei ba lada lap, kino kino ki contractor ki dei ia kaban shah pynshitom bad hap ban blacklist lada kim lah ban bud kat kum ki ain kiba don ha jylla”.
U Bah Prestone ula bthah ruh ia ki bor District bad ki Tnad ba dei khmih ba kin shimkhia ia ka kam bad pynthikna ba kan don ka jingpyntreikam thikna ia ki ain kiba iadei bad ka Labour Licence bad MRSSA, 2016.
“Ngi la ai jingbthah ia baroh ki Tnad treikam ba dei khmih la ka dei ka Labour Licence lane ka MRSSA, ki bor District, ki Tnad ba dei khmih kin hap ban shimkhia ia ka kam namar haba phai sha ka Labour Licence, ngi la dep pynkha ia ki kam Labour Inspector kiba dei ban leit talasi ia ki briew kiba ngi khot ki nongbylla bar jylla kiba wan nabar ka Jylla, ki bym shym la shim ia ki kot ki slab a donkam kat kum ka Ain hapoh ka Jylla Meghalaya” ula ong.
“Ngi la dep ban bthah. Kino ki jingtei kiba don ha ki pud treikam jong ki, ki dei ban leit ban jurip bad pan ia ki kot ki sla” ula bynrap.
 Bah Prestone Tynsong ha ka sngi Thohdieng, ula maham ban leh da kaba tyngeh haduh u pud ban ‘Blacklist’ ia ki contractor bad ki riew shimet, kiba khlem bud ne pynkhein ia ki Ain bala don ha Jylla, kiba iadei bad ki nongbylla bar jylla.){kind=link}