Shillong, Naitung 07 : Ka Khasi Students’ Union (KSU) hynne ka sngi Thohdieng, kala byrngem ban shim ia ki lad jingiakhih da ka ‘Ani Foreigners’ Movement’ kum ha ki snem 1970-1990 namar ka jinglapmiet shah shoh bad shah thombor ki samla Khasi ha ki bar jylla hapoh ka Jylla.
Kane ka jingbyrngem ka KSU kala mih shisngi hadien ka jingkynnoh shah shoh ki samla Khasi hynnin ka miet shiteng synnia ha ki bar jylla ha ka thain Laitumkhrah, kaba lam sha ka jingwiang ding ia lai tylli ki kali kynthup ka kali ki Pulit ha phyllaw ka Laitumkhrah Police Station.
“Kine ki jingjia (shah thombor ki samla Khasi) ba khah khah kila pynkynmaw ia ka KSU ia kip or kiba la leit kum ha ki phew snem 70,80 bad 90 ha kaba ki bar jylla kila thom naphang ia ki Khasi da ka jingthmu ban pynlong ia ki Khasi ban phetwir na Shillong” ong u General Secretary ka KSU Samla Donald Thabah ha ka kyrwoh.
Une u Nongialam ka KSU ula pynkynmaw ba dang ha u snem 2020, ki bar jylla kila pyniap dusmon ia u Bah Lurshai Hynniewta ha Pyntha Umdan, Ichyamati, East Khasi Hills, kaba la pynsmiej ia ki paid Khasi kiba sah ha ka thain.
Ula ong ruh ba ha u snem 2021 ter ter, ki bar jylla kila pyniap dusmon ia u Phershanroy Myrthong ha Golflink bad kila bom iap ruh ia u Elias L Nonglait ha Them Bijoy nalor ki jingshah shoh ki Khasi ha Nongmendong, Rilbong, 4thforlong bad kiwei kiwei ki jaka.
Une u Nongialam ka KSU ula pynkynmaw ruh ia ka jingshah shoh ki arngut ki samla Khasi ha Khyndailad.
Kat kum ka jingong jong u, ka KSU kala ioh jingtip ba ka huri hura ba jia hynnin ka miet ha Laitumkhrah kala mih na ka jingjrong kti khlem daw ki bar jylla ia ki Khynnah Khasi. U ong kaba phyllw ka long ba ki CRPF ruh kila ai jingiada pynban ia ki bar jylla bad tied naphang ia ki Khasi. “Ka seng kan dang iai lum shuh shuh ia ki ingtip ban ioh ia ka jingshisha kaba la poi haduh uto u pud” ula bynrap.
Haba pynpaw ba kine ki jingjia baroh kila pynkynmaw ia ka KSU ia kiei kiba jia ha ki phew snem bala leit noh, u samla Donald ula ong “Ka KSU ka bthah ia ki nongialam jaidbynriew jong ki bar jylla bapher bapher ba ki dei ban tehlakam iala ki jong ki briew lym kumta ka KSU ban banse ban shim biang da ki sienjam kumba ki nongialam ka seng kila shim ha kito ki por kum ka Anti Foreigners Movement”.
“Lada ka Seng ka hap ban shim ia kita ki sienjam, kine ki Jaidbynriew lem bad ka Sorkar kin hap ban bah khlieh lada jia eiei kaba sngewsih” ula bynrap haba kyntu ruh ia baroh ki para Khasi ban long kiba la khreh namar kane ka jingleh ki bar jylla ka dei ka buit ba pyntreikam ia ki jingthmu ba la pun naduh ki por mynshwa.
Pule ruh: Bthah ka Iingkashari ia ka Sorkar ban wanrah ia ki Plan halor ka kam sam um ha Shillong
 hynne ka sngi Thohdieng, kala byrngem ban shim ia ki lad jingiakhih da ka ‘Ani Foreigners’ Movement’ kum ha ki snem 1970-1990 namar ka jinglapmiet shah shoh bad shah thombor ki samla Khasi ha ki bar jylla hapoh ka Jylla.){kind=link}