Shillong, Naitung 18 : Ka Iingkashari Meghalaya High Court ha ka sngi Ba-ar, kala pynsngew baka kam ba iadei bad ka jingtyrwa ban pynkynriah noh ia ka Them Metor na Them Iew Mawlong kala shu iaid slem palat.
Haba shong bishar ia ka mudui halor kane ka kam, ka Division Bench kala ong “Naba ka Sorkar Jylla bad ka Nongshah mudui ki dang iapyrshang ban iakren bad iapynbeit da ka jingiasngewthuh jingmut, ka iingkashari kam sngew donkam ban tuklar ia ka kam”.
“Hynrei, la ju pynsngew ha kiba bun ki khep ba kane ka kam kala shu iaid slem shaba palat. Kane ka kam kan wan biang sha ka jingbishar hadien hynriew taiew haba kyrmen ba ki liang mamla kin poi noh sha ka jingiapynbeit” kala bynrap.
