Shillong, Jylliew 14: Kum shi bynta ban pynthikna baka Party kan leh bha ha ka ilekshon 2028, ka Meghalaya BJP ka la bujli thymmai iaki nongkitkam na ka bynta u snem 2025-2028 haba pynthikna ba kam don jingthmu ban weng noh ia lade na ka sorkar synroplang ka Meghalaya Democratic Alliance (MD2) ba ialam da ka National People’s Party (NPP).
“Katba ka party ka dang pynkhreh ialade na ka bynta ka ilekshon ban wan ha ka jylla, u National President ka BJP u JP Nadda u la mynjur ia ka kynhun thymmai jong ka Meghalaya BJP ban peit ia ka jingpynkhreh jong ka Party sha ka MLA ilekshon 2028,” ong u president ka Meghalaya BJP u Rikman G Momin.
“Hapoh ka Party teng teng, ngi hap ban peit kumno ban pyniaid ia ka Party. Kum ka Party, nga dei u khlieh bad nga hap ban peit kumno ka Party ka treikam. Nga hap ban pynkylla na ka bynta ki katto katne ki bym lah ban trei bha” u la bynrap.
Haba kylli hato ka BJP kan weng ne em naka MDA, u President u la ong “Kata ka shong ha ki nongïalam na Delhi”.
U Rikman u la ong ba kano kano ka rai halor kane ka bynta yn sa jubab da ki nongialam na Delhi bad ka jingdon ïa ka jingïatreilang bad ka NPP kan nym ktah ïa ka BJP ha Meghalaya.
U Momin u la iaroh ruh ia ka jingtreikam jong ka sorkar MDA-2 bad u la ong “U Myntri Rangbah ka Jylla u trei shitom bad kum shi bynta jong ka Sorkar, ngi kyrshan ruh ïa ki ha kano kano kaba ngi lah ban leh. Ka sorkar MDA-2 ka treikam bha bad phi la ïohi ba bun ki jingpynroi ki la mih.”
Haba kylli, u Rikman u la ong ba ki don ki nongpyrshah hadien ba ki nongialam ka BJP na Delhi kim ailad iaka Meghalaya BJP ban ïakhun ïa ka ilekshon ML Lok Sabha ha ka jylla. “Ha kata ka por ki dang kynnoh ia u president ka Jylla. Lehse ha kata ka por ki don ki nongpyrshah hynrei mynta ngi la biang pura. Ngi bud ia baroh ki prokram pdeng. Ngi don ia ka seng kaba bha bha,” u la ong.
U President ka Meghalaya BJP u la pyntip ba ki don bun kynthup ïa ki nongthaw aiñ barim, kiba la pynpaw ba ki kwah ban ïasoh bad ka Party. “Ngi pdiang sngewbha ia baroh ban iasoh bad ka Party jong ngi, ban trei na ka bynta ka Party bad ka jylla,” u la ong.
Ki nongkitkam ba thymmai jong ka jylla ki kynthup ia 6 ngut ki vice presidents – Khrawboklang Basaiawmoit, Dr Bernadette Lyngdoh and Er Bipen Pradhan (Shillong City), Bernard N Marak and Anil Hajong (Tura city), Lakhon Biam (West Jaintia Hills), two state general secretaries -Wankibok Pohshna and Amitava Saha, six state secretaries -Anzie Ellicia A Sangma, Belbora Wankhar, Daniella L Nonglait, Sukhi Pariat, Commanderful Sana and Wilber Danngo Marak, state treasurer – Sarwan Jhunjhunwala, state joint treasurer – Ashok Singhania, media convener -Sabyasachi Ghose, chief spokesperson -Mariahom Kharkrang, IT convener -Sarad Bawri, social media convener -Fredee Aaron Kahit, office secretary – Dipika Dey bad state cells convener – Deeya Singh Rathore.
 ba ialam da ka National People's Party (NPP).){kind=link}