Shillong, Naitung 16 : Ka Iingkashari District ha ka sngi Balang, kala buhteng ban ai ia ka hukum halor ka jingkyrpad ai jamin u Shilome James, u nong Indore ba khaii iing, uba shah kem halor ka jingshah pyniap u Raja Raghuvanshi ha Sohra.
Ia kane ka jamin la pan lyngba u nongiasaid ain Devesh Sharma hynrei la pyrshah jur da u Public Prosecutor Tushar Chanda, haba kyrpad jur ia ka Iingkashari ban kyntait. Ka Iingkashari kala buhteng ban pynmih ia ka hukum.
U James ula shah kynnoh ba u tuh ia ka pistol, ka pisa ba T. 5 lak, ki jingdeng ksiar jong u Raja Raghuvanshi bad ka kurim ka Sonam Raghuvanshi. Ka flat ba wai da u James la kynnoh ba pyndonkam da ka Sonam ban rieh hadien ka jingpyniap ia u Raja.
Arngut kiwei pat kiba shah kem ryngkat bad u-u Lokendra Singh Tomar bad u Balia ba khot sin u Balbir Ahirwar, kila dep ban ioh jamin. Kine baroh arngut kila shah kynnoh ba ki pynjulor ia ki sakhi ba don jingiadei bad ka jingpyniap ia u Raja.
Lah ban kdew hangne, ka Iingkashari kala phah set ia u Shilome James ha ka Judicial Custody ba 14 sngi katba ia u Tomar bad Ahirwar la hukum ban set 7 sngi ha ka Judicial custody.
