Shillong, Kyllalyngkot 23: Kum shi bynta na ka jingkynmaw burom iaka lyngkhuh sngi kha jong u Netaji Subhas Chandra Bose uba long u nongiakhun laitluid ba pawnam ka ri, u Lat ka jylla u Phagu Chauhan ula buh syntiew ia ka dur jong une u khla wait ka ri kaba don ha Raj Bhavan.
Ia kane ka jingrakhe ia ka sngi kha kaba 127 snem jong u Netaji Subhas Chandra Bose, la tip ruh kum ka Parakram Diwas (Day of Valour).
U Phagu Chauhan ula leh burom da kaba buh syntiew haka dur jong une u riewkhraw ia kaba la iashimbynta lang da ki Officer bad ki nongtrei jong ka Raj Bhavan ban leh burom ia une u khlur ka ri uba la len iala ka jong ka jingim na ka bynta ban pynioh jinglaitluid iaka ri India.
.){kind=link}