Shillong, Nohprah 09 : U MLA ka Mookaiaw Constituency ma Nujorki Sungoh, hynne ka sngi thohdieng, ula buh mawnongrim ban tei ia artylli ki skul ha shnong Mookaiaw bad pyntip ruh ba tang ha kane ka shnong, kum u MLA ula wanrah ia ka kam pynroi ba kot haduh T. 10 klur.
Kane ka T.10 klur ka kynthup ia T. 5 klur ka jingshna surok ha Mookaiaw, kumba T. 4 klur ban tei ia ka Iingskul thymmai ka Mookaiaw Govt LP School kaba la seng naduh u snem 1939 ha kaba ka jingtei ia ka Iingskul la mang T.44 lak bad ka skul Govt UP Mookaiaw bala seng naduh u sne 1957, la mang ban tei T.3 klur.
U ma Nujorki u pyntip ba ha ka 13 tarik mynta u bnai, un sap lie paidbah ia ka Police Outpost ha Barato ban pynthikna ia ka jingshngain jong ki shnong khappud bad ka Assam.
Kiba la iadonlang ha kane ka sngi ki kynthup ia u MDC ka thain WG Sungoh, I DSEO ka West Jaintia Hills Kong AP Syiem, I SDSEO Kong S Bareh bad kiwei kiwei.
