Shillong, Risaw 24: Kum ka sienjam ban pynbiang ia ki Ophis treikam ka Sorkar ha South Garo Hills District, u Lat ka Meghalaya u C.H. Vijayashankar, hynne ka sngi Palei, ula buh ia u mawnongrim ban tei ia ka ophis treikam ba thymmai jong u Deputy Commissioner, South Garo Hills.
Shisien ba la pyndep ia kane ka jingtei, kan ym pynbha tang ia ka rukom ai jingshakri ka tnad sorkar sha ka thain hynrei kan pynbiang ruh ia ki kor ki bor kiba thymmai na ka bynta ka jingdonkam jong ka district.
Haba ai jingkren lyngba ka video conferencing na Raj Bhavan, Shillong, u Lat ka jylla ula iaroh ia ka sienjam kaba la shim da ki bor pyniaid district bad iaka sorkar
Meghalaya ha kaban shim ia ki sienjam ha kaban pynkhlain ia ka jingai jingshakri ia ki paidbah ka South Garo Hills.
Ula banjur ia ka jingdonkam ban don ia ki jingtei kiba khlain ban pynthikna ia ka jingai jingshakri ha ka jingpynbiang ia ki skhim sorkar bad ka jingai jingshakri ia ki paidbah khamtam ia ki jaka kiba don sha jngai.
Ha kane kaj ingialang la wan ban iashimbynta lang da u Myntri ka pule puthi u Rakkam A. Sangma, ki MLA kiba kynthup ia u Sengchim N Sangma bad u Kartush R Marak, u Deputy Commissioner ka South Garo Hills, ki ophisar sorkar, ki nongialam shnong bad kila pynpaw ia ka jingsngewnguh ia u Lat ka jylla ia ka jingbteng ia ka jingai jingkyrshan ia ki sienjam kiba la shim da ka district.
