Shillong, K’lyngkot 28: U MLA ka BJP na South Shillong Constituency Bah Sanbor Shullai ha ka sngi Saitjain, ula buh maw nongrim ban shna ia 10 tylli ki surok hapoh ka Constituency kiba la mang haduh T. 15.21 klur.
Ia kine ki project la mang pisa daka Sorkar Jylla hapoh ka General State Scheme 2022-2023 kat kum ka jingtyrwa jong u Bah Sanbor.
Haba kren ha kane ka sngi, u Bah Sanbor ula ong ba ki paidbah ka Constituency ki dei ban long ki nuksa sha kiwei pat ki paidbah ka Jylla haba phai sha ka roi ka par, ki trai jaka ki bym salia ban ai ia ki jaka ban pyntrei ia kum kine ki project ki ban ai jingmyntoi ia ki pateng la pateng ban wan.
“Nga ai khublei shibun eh ia ki trai kaka, kiba la rai ban ai jaka ia kine ki 10 tylli ki projecr, naba khlem ka jingiatreilang bad jingkyrshan jong ki, kam long kaba suk ia ka tnad PWD ban mang pisa ia kine ki project” ula ong.
U Bah Sanbor u pyntip ruh ba ka constituency kala ioh ruh ia ka song pisa ba T 12.5 klur na ka DoNER Ministry ban shna ia ka Iew Municipal ha kaba ka kam kala iaid shaid shaid nalor kiwei pat ki kam pynroi hapoh ka Constituency.
KI 10 tylli ki prijecr ki kynthup ia ka jingpynheh, siang maw bad siang rong ia ka surok PWD-Rilbong Community Hal haduh ka surok PWD ha Jingkieng Umshyrpi ba T. 4,35,56,000, ka jingpyntrei ia ka feeder Road ba pyniasoh ia ka lad surok PWD via Mynsain Forest Road haduh ka iingsah u Deb Das Chakraborty at Upper Lumparing, Shillong (L=0.113 km) ba T. 1,38,70,000.
Ka jingpyntrei ia ka surok na PWD road lyngba ka Iingsah I Dr Merybell Marbaniang haduh ka Iingsah u Bah Rolet Rynjah bad kiwei ha Madan Laban, Shillong. (L=0.092 km)ba T. 1,77,83,000, ka jingpynheh ia ka suroh PWD na Top Um marjan ka Iingsah u Bah Thelesar Syiemlieh bad Kong Shortina Rynjah ha Block-A, Kynjat Phutbol, Shillong. (L-0.093 km) ba T. 63,13,000.
Ka jingshna ia ka Aqueduct Drainage System haPWD Road mar pyrshah ka Glorymai (Laban) haduh ha St. John School/ Church Madan Laban, Shillong (L=0.222 Km) ba T. 55,29,000, ka jingshna ia ka surok iaid kali halor ka nala bad kshaid jong I kong (L) Q. Kharwanlang sha ka jingkieng PWD ha Lower Lumparing (Dhobi Ghat) (L=0.1923 Km) ba T. 1,14,41,000.
Ka jingshna ia ka Aqueduct Channel ha Kench’s Trace Road naBishnupur Taxi Stand sha Bathesda Hospital Upper Kench’s Trace (L=6.340 Km) ba T. 2,41,50,600, ka jingshna ia ka surok na Main Entrance Gate ka Art & Culture ha Rilbong sha ka surok na Rilbong Community Hall sha Umshyrpi PWD Road Rilbong (L=0.385 Km) ba T. 1,98,30,700 bad ka jingshna ia ka surok dewbilat na Ch:870.00 ka Keating Road sha phyllaw Lady Keane kynthup ka RCC Railing ha HP culvert ba T. 14,18,200.
Ka song pisa ba T. 82,81,000 ruh la mang ban shna ia ka surok iaid kali sha Lumjingthang (Cremation Ground) jong ka Seng Khasi Ri- Raid Laban ha Lumparing, Breast Wall ha Sanbor Shullai Road (Ch.220.00-270.00m), Hollow Block Fencing Wall ha Shri Sanbor Shullai Road. (Ch.15.00-99.00m), Outlet Drain bad ka slab na Lum jingtep Muslim shajan ka iingsah I kong Aitimon Myrthong bad ban siang rong biang ia ka surok Lumparing, Shillong. (Phase-II) (L-0.578km).
