spot_img

Buh mawnongrim ka MC bad KSU ban tei pynheh ia ka skul Soso Tham Memorial ha Lawsohtun

Date:

Share post:

Shillong Nailur 01: Ka Managing Committee ka skul SosoTham Memorial Secondary School ryngkat bad ka Khasi Students’ Union (KSU) hynne ka sngi, kila buh mawnongrim ban tei sa shi mala ia ka skul Soso Tham Memorial Secondary School lyngba ka CSR project ba la ioh na ka DIAGEO.

Ia kane ka skul la plie ha ka 18 tarik u Nohprah, 2020 ha Lawsohtun Block – VI bad ka don ia ka klas 8-10 bad la thaw kyrpang ia kane kaskul da ka Khasi Students’ Union, Laban Circle na bynta ki khynnah shynrang bad kynthei kiba wan na ki longiing ba duna bad kiba la iehnoh ia ki jingpule kijong ki shiteng por na ki daw bapher bapher.

Kane ka skul ka ai jinghikai ei ia ki khynnah khlem shim pisa bad kala don haduh 40 ngut ki khynnah kiba ioh jingpule ei.

Ka Managing Committee bad ka Seng ka don jingthmu ban pynmihsa shi mala ia kane ka skul khnang ban ioh kyntiew ia ka sha ka HigherSecondary School, ban ai jingpule na bynta ka klas XI bad XII.

Ha kane ka jingbuh mawnongrim la don ryngkat ka Sumitra Panthi kaba dei ka Cluster Head, North East, Diageo, u Surajit Dutta, PublicPolicy Lead, Diageo, Managing Committee jong ka skul kaba la lamkhmat da u Bah Daniel Khyriem Chairman ka MC, Bah Airpeace Rani, Secretary MC, SamlaPynkmenlang Sanmiet, Education Secretary KSU, Reuben Najiar Asst. GeneralSecretary KSU bad President KSU Laban Circle, Bah Manly Nongpluh, u FinanceSecretary ka KSU, Bah Harribert Rynjah u Rangbah Shnong ka Lawsohtun, ki dkhotna ki Dorbar Shnong, ki nonghikai bad khynnah jong ka skul Soso Tham MemorialSecondary School.

Share post:

spot_img
spot_img

Popular

More like this
Related

Rai ka Sorkar da ka eksam bad interview ban thungkam pura ia ki nongtrei adhoc

Shillong, Nailar 26 : Ka Sorkar Jylla kala rai...

Pdiang ka Kynhun Myntri ia ka kaiphod ka MPSCRC ban treikam ryntih ka MPSC

Shillong, Nailar 26 : Ka Kynhun Myntri ka Sorkar...

Assam | Pynpra hi ki nongkyntur pud ia ki Iing ha Nagaon shuwa ban kyndang ka Sorkar

Guwahati, Nailar 26: Ha kawei na ka jingjia ba...

Dawa ki AKMTA ia ka policy ban phaikhmat sha ki kali tourist na Jylla ban kamai sha jaka jngohkai

Shillong, Nailar 26: Ki nongniah kali tourist hapoh ka...