Shillong, Nailur 01 : Ha ka jingkhynra ba kyrpang, ki shipai BSF ka 193 Bn ha ryngkat ki Pulit ka Jylla, kila ioh kem ia uwei u nongkhaii tuh ka Ri Bangladesh na kawei ka khlaw kaba don ha khappud Indo-Bangladesh ha East Khasi Hills District.
Ia une u nongkhaii la ioh kem ha ka sngi Saitjain bad la tip kyrteng ia u da u Mohd Mijan Mia (49), uba dei na ka shnong Sunamganj, Bangladesh.
Ha ka jingtohkit, une u briew ula phla ba ula trei kum u nongialam lynti, ban pynrung beain ia ki nong Bangladesh sha India bad leh ruh ia ki kam khaii tuh ia ki mar ki mata.
Ia une u briew la aiti noh sha ki Pulit ka Dangar Police Station ban pynlong ia ka jingtohkit bad leh ia kaba donkam.
