Guwahati, Nailur 01: Ha kawei ka jingjia ba sngewsih, kawei ka longkmie ha ryngkat ki arngut ki khun, kila kynthih sha ka wah Brahmaputra na Bogibeel “T” point jong ka Jingkieng Bogibeel ha ka sngi U Blei.
Ki tyllong khubor na ki pulit, la ioh tam kawei ka pla kaba don ki jain bad kawei ka mobile phone bad 3 tylli ki juti sandal.
Haduh mynta ki pulit kim pat lah ban lap ia ka kmie bad ki khun shynrang kiba la kynthih sha ka wah Brahmaputra.
Ha kajuh ka por, ki pulit ka Dibrugarh bad ka kynhun SDRF ki la poi sha katei ka jaka bad ki la sdang ia ka jingwad iaki.
“Ia u kurim jong ka (uba trei ha Indian Army bad don ha Likabali) la dep ban pyntip bad mynta u la wanphai na Likabali” la pyntip uwei u heh pulit.
La iathuh bad haduh mynta ym pat lah satia ban pynithuh ia kine ki shi kmie shi khun.
