Buh maw nongrim u CM ban pynheh ia ka Umlyngka bad Nongkseh Water Supply Scheme

Date:

Share post:

Shillong, K’lyngkot 13 : U Myntri Rangbah ka Jylla Conrad K Sangma hynne ka sngi thohdieng, ula buh ia u mawnongrim ban nang pynheh ia ka Umlyngka bad ka Nongkseh Water Supply Scheme na ka Jal Jeevan Mission (JJM) ha ka jingiadon ryngkat u Myntri Sorkar bad MLA ka Mylliem bah Hamletson Dohling.

Ha Nongkseh, ka pisa bala mang baroh ka long T. 15.84 klur na ka bynta ki 1230 tylli ki Longiing bad ha Umlyngka pat la mang T. 28.89 klur na ka bynta ki 2242 tylli ki Longiing.

“Ka jingkynthup lang ia baroh ki Census Town ka Meghalaya ha ka Jal Jeevan Mission kan pynioh ia ki jaka kiba la shah ieh, ia ka umbam umdih kaba khuid. Ka um ka dei ka jingim bad ngi da kmen shibun ba ka jingpyrshang jong ngi ban tynruh ia ka Sorkar India ha kaban kynthup ia ki Census Town kala pynsuk ia ka jingim jong ki briew jong ngi” ong u Conrad ha ka rynsan Social Media.

Haba iaroh ia ka Sorkar MDA ba ialam da ka NPP, u Conrad ula ong ba ka Jylla Meghalaya kala kiew joit na shatdong eh kum ka jylla bym lah pyntreikam bha ia ka JJM sha kawei ka Jylla kaba biang tam hapoh ka Ri.

“Ryngkat bad ka kynhun Jal Jeeval Mission, ka Meghalaya kala trei shitom ban pynthikna ba ia ki sienjam bala shim na kane ka skhim yn pyntreikam na ka bynta u paidbah” ula bynrap.

Share post:

spot_img

Popular

More like this
Related

Maldives Football team arrives in Shillong for friendly match against India

Shillong, March 16: The Maldives national football team arrived...

Khynra ka Tnad GST ia ki karkhana Coke ha Assam ba iaid lait ban siew khajna

Guwahati, Lber 16 : Ka Tnad Central Goods &...

Assam | Kyndang ka NCB ia ka kynhun khaii droks ka pyrthei | Kurup ia u meth ba T.88 Klur |Kem 4 ngut

Guwahati, Lber 16: Ha ka jingkhynra pyrshah ïa ka...

Assam | Kular u Amit Shah ban pyntreikam pura ia ka BTR Peace Accord hapoh ka arsnem

Yn pyndon burom ka Delhi ia u Bodfa Upendra...