Shillong, Nailar 10 : Ka Meghalaya High Court kala buh ia ka suo motu PIL halor ka jingtih dewiong beain ha Jylla ban shong bishar bniah ha ka 31 tarik Nailar, 2026.
Ka division bench u justice HS Thangkhiew bad W Diengdoh kala shong bishar ia ka PIL ha ka sngi Nyngkong.
Ia kane ka mukotduma ym shym la lah ban bishar kham hashuwa namar ka jingbym lait pork a bench.
Ka Jylla kala aiti ia ka kaiphod sha ka Iingkashari hynne ka sngi halor ka 38th Interim Report jong u Justice BP Katakey (Retd) Committee ha ka 6 tarik Naitung bad ia ka kaiphod ba bniah jong ka 39th Interim Report ba 3 tarik Naitung.
U Advocate General A Kumar ula batai ia ka Iingkashari halor ki jingpyntreikam ka Jylla ia ki jingai jingmut jong ka Committee.
U AG ula pan jingbit ban file shuh shuh ia ka kaiphod kaba bniah halor ka 39th Interim Report hashuwa ka sien shong bishar ban wan.
Ka Iingkashari kala ong ba ia baroh artylli ki Interim Report yn sa klob lang bad ki kaiphod ka Jylla bad buh ia kane ka kam ban shong bishar bniah hashuwa ban pynmih ia ka hukum kaba dei.
Ka Katakey Committee kan iia bteng ban peitngor ia ka jingtih dewiong, jingshalan bad ki kam ba iadei bad ka mariang kiba don jingiadei bad ka jingtih dewiong ha Meghalaya.
