Shillong, Nailar 20 : Arngut ki briew, kynthup u shipai BSF, kila mynsaw hadien ka jingsuba bthei ka gas cylinder ha kawei ka Iing ha Umpling, Lumdiengmet, ha ka step sngi Balang por 10 baje.
La suba ba kane ka jingjia kala jia lehse na ka jinglait ka gas lane ka jingbthei jong ka LPG cylinder, hynrei ki Pulit ki dang tohkit ban pynthikna ia ki daw jong kane ka jingbthei.
Une u shipai BSF ba mynsaw la tip kyrteng u Sandeep Kumar bad uwei pat u Subham Cheran Momin. Baroh kine arngut ki don hapoh Iing ha ka por ba mih ka jingbthei.
Ia kine ki arngut la rah nyngkong sha ka Hospital ki BSF ha Umpling hynrei namar ka jingjur ka jing mynsaw, la pynkynriah noh ia ki sha NEIGRIHMS ba kin ioh ia ki jingsumar ba kham paka.
