Imphal, Risaw 07:U bom u bym da khlainbor ula bthei noh shabar ka iingsah jong u MLA barim ka Manipur hynnin ka sngi Palei, ong ka khubor pulit.
Une u bom IED ula bthei noh shabar ka iingsah jong u MLA barim ka Manipur u Khwairakpam Loken Singh hapoh Imphal West district.
Kane ka jingbthei kala pynjulor mar shiteng ia ka khyrdop jong katei ka iingsah jong u MLA barim u Loken Singh, ong ki pulit.
Kane ka jingjia bthei bom kala jia ha ki bynta jong ka Kwakeithel Takhellambam Leikai hapoh Imphal West district jong ka Manipur.Ia mynta hi na ka liang ki pulit kim pat shym la ioh ban kem iano iano ruh ha kaba iadei bad kane ka jingjia.
Katkum ki khubor la iathuh ba kane ka jingbthei bom kala jia ruh tang khyndiat por hadien ba u Loken Singh ula rung sha la iing.
