Shillong, Rymphang 21: Ka Ophis jong u District Magistrate, West Garo Hills, Tura, kala pynmih ia ka jingpynbna ha kaba kala bthah ia ki Local Area Development Committee (LADC) hapoh jong ka sor Tura ba kidei ban bud ryntih ia ki kyndon jingbthah ha kaba iadei bad ki nongbylla kiba wan na kiwei ki jylla ban trei bylla ha kaban tei ia ki jingtei bapher hapoh jong ka district.
Ia kane ka jingpynbna la pynmih da u District Magistrate u Vibhor Agarwal bad kane ka jingbthah ka long ha kaba iadei bad ka jinglong jingman ha kane ka district ia kaba la donkam ban pynmih da ka jingbthah ban pynsaphriang sha baroh ki nongshong shnong ha ki shnong bapher bapher.
Katkum katei ka jingpynbna, la bthah ia baroh ki LADC ba kin pynlong ia ki jingialang hapoh u pud u sam u jongki ban batai ia ki nongshong shnong shaphang ki jingjia kiba dang shen bad ban pynlong ia ki prokram pynsngewthuh paitbah khamtam ha kaban pynsngewthuh ia ki samla halor ka jinglong jingman kaba mynta.
Ha katei ka jingbthah, la kdew shai ba ki nongbylla bad ki nongtrei kiba donsap kiba donkti ha kaban tei ia ki jingtei bapher bad ka jingshna ia ki surok jong ka sorkar ne ki riewshimet ym dei satia ban pynthud ne pyndik ia ki, namar ba kine ki projek kidei kiba la buh da ka por ban yn hap ban pyndep ia ki katkum ka por kaba la buh.
Nalor kane, la bthah ruh ba ki nongbylla kiba wan na kiwei ki jylla kiba donbynta ha ki kam tei jingtei ba kidei ban rejistar bad ka Labour Department kaban iaid bad ka Meghalaya Identification Registration (Safety and Security) of Migrant Workers Act, 2020.
La pynkup bor ia ki pulit ba kin leit pynshisha ia ka jaka kaba kine ki nongbylla ki wan bad la bthah pat ia ka Labour Department bad iatreilang bad ki pulit ban pynthikna ban rekod thikna bad ban rejistar ia ki nongbylla kiba la dep ban pynshisha.
 hapoh jong ka sor Tura ba kidei ban bud ryntih ia ki kyndon jingbthah ha kaba iadei bad ki nongbylla kiba wan na kiwei ki jylla ban trei bylla ha kaban tei ia ki jingtei bapher hapoh jong ka district.){kind=link}