Shillong, Naitung 18 : Ka Real Estate Regulatory Authority (RERA), Meghalaya, kala kyntu ia baroh ki nongtyrwa bad agent die jaka/iing kiba treikam ha Jylla, ba kin pynrung kyrteng noh ialade bad ia ki project jong ki kat kum ka jingbthah jong ka Ain.
Ka jingpynrung kyrteng hapoh ka RERA Meghalaya kam dei tang ka jingdonkam kat kum ka ain hynrei ka dei ka sienjam ban wanrah ia ka jingshngain bad jingshaniah ha ka kam iadie iathied jaka/iing.
Ka jingbym bud ne kyntait ban register kan khring ia ki kuna bad ki jingpynshitom kat kum ka ain, ong u Chairman ka RERA Meghalaya ha ka kyrwoh ba pynmih ha ka sngi Thohdieng.
Ka RERA Meghalaya kaba la pynbna ban treikam ha ka 18 tarik Rymphang, 2020 hapoh ka Real Estate Regulation and Development Act, 2016, kan iarap ban wanrah ia ka kam iadie iathied iing/jaka kaba shai, kaba don ka jingkitkhlieh bad kaba paka na ka bynta kane ka kam kaba la sdang ban mih ha ka Jylla.
Ka RERA Meghalaya kan khmih ia ka : Jingpynrung kyrteng ia ki project Iing/jaka, ki nongtyrwa bad ki agent, ka jingbud ia ki kyndon jong ka Ain bad ki Rules bala shna naka, ka jingbishar ia ki jingiakajia bad jingiada ia ka bha ka miat ki nongthied iing lyngba ka jingpeit bniah jong ka ain.
Kane ka sienjam ka pyni ia ka jingangnud jong ka sorkar jylla ban wanrah ia ka jingkitkhlieh, ka jingiada ia ki nongthied nongpet, bad ka jingtreikam kaba shai ha ki kam pynroi ha ki jaka puta ha Jylla.
, Meghalaya, kala kyntu ia baroh ki nongtyrwa bad agent die jaka/iing kiba treikam ha Jylla, ba kin pynrung kyrteng noh ialade bad ia ki project jong ki kat kum ka jingbthah jong ka Ain.){kind=link}