Shillong, Nailar 19 : Ka Meghalaya State Planning Board (MSPB) kala bthah ia ka National Highway and Infrastructure Development Corporation Limited (NHIDCL) bad ki contractor ba kin pynsted noh ha kaban pyndep ia ka surok4-lane na Umshyrpi sha 7mer Upper Shillong.
Kane ka surok ka dei shibynta jong ka project surok ba pyniasoh ia ka Shillong sha Dawki.
Ia kane ka jingbthah la pynmih ha ka sngi Ba-ar hadien ka jingleit jurip jong u Chairman ka MSPC Bah Metbah Lyngdoh, bala synran da ki dkhot ka Board bad ki Ophisar ka Tnad PWD bad NHIDCL.
Haba kren sha ki nongthoh khubor hadien ka jingjurip, u Bah Metbah ula pynpaw ia ka jingsngewkhia halor ka jingiaid suki ki kam ki jam jong kane ka project, haba kdew ia ki jingeh ba mad da ki nongleit nongwan ba man ka sngi, khamtam kito kiba wan West Khasi Hills, South West Khasi Hills, Eastern West Khasi Hills bad katto katne ki bynta ka East Khasi Hills.
“Ki paidbah ki mad ia ka jingeh kaba khraw haba leit ba wan na 7 mer Upper Shillong sha Anjalee petrol pump naba ka shimpor haduh 1-2 kynta iaki ban poi. Ngi sngew ba ka dei ka kam kaba sngewkhia ba ki paidbah ki hap pynlut bun ka por ban iaid ha kane ka surok khamtam eh ha ki por ba donkam kyrkieh” ula ong bad bynrap “Nga ruh nga iaid man ka sngi na kane ka surok sha Mairang bad nga la mad ia kajuh ka jingeh ban poi sha ka jaka ba nga thmu ban leit”.
Halor ka jingslem ban pyndep ia ka bypass ha 3 mer, Upper Shillong, u pyntip ba ha ka jingjurip la lap ba u contractor ula iakynduh ia ka jingeh, kynthup ka kam ban pynkynriah ia ki pipe um, ka ban shimpor sa kumba 2 bnai eiei ban dep.
“Ki contractor kila kular ba kin sa pyndep noh ia ka bypass hapoh ka arbnai bad yn sa pyllait noh ban iaid ki kali” ong u Bah Metbah haba pynpaw ruh ba ka rukom pyntrei ia ki katto katne ki kynroh kam long satia kaba ihun ne iskhem khamtam ka kynroh hajan ka jingkieng Umshyrpi. U iathuh ba ki Heh ka PWD kila iakren ia kane ka kam bad ki contractor lem bad ka NHIDCL.
Kane ka project ka dei kaba la buh por ban pyndep ha u Nohprah 2025. Ka MSPC kala bthah ia ka NHIDCL ba kan aiti ia ka por ba kan pyndep ia ka kam, haba banjur ia ka jingdonkam ban pyndep hapoh ka por bala buh ban lah weng noh ia ka jingeh ba man ka sngi jong ki nongleit nongwan.
 kala bthah ia ka National Highway and Infrastructure Development Corporation Limited (NHIDCL) bad ki contractor ba kin pynsted noh ha kaban pyndep ia ka surok4-lane na Umshyrpi sha 7mer Upper Shillong.){kind=link}