Shillong, Nailar 19 : Ki Pulit ka East Jaintia Hills, kila ioh ban kem ia arngut ki dkhot jong ka kynhun ki snar khaii droks na kawei ka Jylla sha kawei pat bad ioh kurup bun bah ki jingdih pyniaid ha ka jingtalasi kali haka sngi Ba-ar ha Lumshnong.
Ki Pulit kila ioh ban kurup haduh 10.35 kilo u ganja, 2736 tylli ki dawai kuli Tramadol Hydrochloride bad 6000 tylli ki kuli Nitrazepam.
Kine ki arngut ki kyrteng u Amol Nath bad u Radika Ranjan Das, kiba la wan na Silchar, Assam bad leit sha Shillong. Ia kine ki briew la kem na ka MTC night bus ha ka jingtalasi kali bala pynlong da ka kynhun ANTF bad ki Pulit ka District.
Ia kine ki arngut la register case hapoh ki kyndon ka NDPS Act bad ka jingtohkit mynta kala iaid shakhmat, ong u Vikash Kumar, Superintendent of Police ka District.
Une u Heh Pulit ula kyntu ia ki paidbah ba kin ai ia kino kino ki jingtip halor ka jingdon ki runar kiba donkti ha ki kam khaii droks.
