Shillong, Rymphang 08: Ka Iingkashari Meghalaya High Court ha ka sngi Palei, kala pynpaw ia ka jingsngewkhia halor ka jingsniew palat ka surok National Highway-6 ha East Jaintia Hills District bad bthah ba dei ban maramot noh mar mar ia ka.
Ha ka hukum, ka Iingkashari ka ong ba u Nongmudui Bah Kynjaimon Amse ula file ia ka affidavit haba jubab ia ka kaiphod bala ai da ki nongshah mudui.
Ka ong ba ha kane ka affidavit, la suh lang ia ki katto katne ki dur, bad kat kum ki jingtip bala ai, la shon ia ki ha ka 26 tarik Kyllalyngkot, 2024 ha shnong Sonapyrdi, kaba don hajan ka Sonapur Tunnel, shnong Kuliang, Pyrtakuna, Dona Umbluh bad Ratacherra-Malidor (khappud Assam).
“Haba bishar ia kane, khamtam ia ka jingsniew jongka surok ha shnong Kuliang bad Pyrtakuna, ka long kaba ima ban shu ia ong, ka dur jong ka jingdieng wat haba peit da ki khmat, ka paw ba ka jingkieng kala synjor bad ym ilong shuh ban iaid kali. Ka Iingkashari ba don ia ka jingsngewkhia ia ka jingsniew jong kane ka bynta jong ka surok” ong ka Iingkashari.
