Shillong, Rymphang 08: U Nongialam ka Meghalaya Bharatiya Janata Party (BJP) bad Myntri Sorkar Bah A.L Hek hynne ka sngi Palei, ula kubur baka jingpynslem ban pynbna ia ki kyrtong, ka lah ban ktah bha iaka Party haka elekshon Lok Sabha 2024 ha Jylla.
Katba ka jingpynkhreh iaka elekshon kala iaid hapoh ka Jylla bad kiwei ki Party kila pynbna iaki kyrtong hynrei haduh mynta ka BJP kam pat lah ban pynbna iaki kyrteng jong ki kyrtong ki ban iakhun na Shillong bad Tura parliamentary seats.
“Kaei ngin lah ban leh, Ngim lah ban leh eiei namar iaka rai yn shim hi daki nongialam ba khlieh duh ka BJP” la ong u Bah Hek.
Haba kyntait ban kren eiei, u Bah Hel ula ong ba haduh mynta kam pat don ka jingialang bad ki nongialam ba khliehduh ka BJP namar kane um lah ban ai jingtip haba iadei bad ki kyrtong naka bynta ki 2 tylli ki Seat napoh Meghalaya.
Hynrei, la paw ba u President barim ka Meghalaya BJP u Bah Ernest Marwrie, ka Advocate ka Supreme Court ka Konga Fenela L Nonglait bad u Myntri Sorkar u Bah AL Hek kila pan Ticket na Shillong katba u MDC ka Tura bad u State Vice President ka BJP u Bernard Marak, u kyrtong na Songsak u Thomas Marak bad u CEM barim ka GHADCu Boston Marak kila paw kum ki kyrtong na Tura
 bad Myntri Sorkar Bah A.L Hek hynne ka sngi Palei, ula kubur baka jingpynslem ban pynbna ia ki kyrtong, ka lah ban ktah bha iaka Party haka elekshon Lok Sabha 2024 ha Jylla.){kind=link}