Shillong, Naiwieng 06 : Ka Iingkashari Meghalaya High Court ha ka sngi Ba-ar, kala hukum ia ka Sorkar Jylla ban pynthikna ba ka pension scheme ba thymmai ia ki skul/college deficit ka dei ban treikam lang ia baroh ki nongtrei, kiba dang rung kam hadien ka 1 tarik Iaiong, 2010.
Ha ka hukum ba pynmih halor ka mukotduma bala mudui da ka Meghalaya College Teachers Association (MCTA), ka Iingkashari kala ong “Namar kane ka kam, ngi bthah ia ka SorkarJylla bad ka State Bank of India ban pyndep noh ia ka Memorandum of Understanding hapoh ka 30 tarik Naiwieng, 2024 bad ban pynbna ia ka skhim kaba iahap ha ka gazette jong ka Sokar hapoh ka 15 tarik Nohprah, 2024, kaba kdup ia baroh ki nongtrei kiba rung kam shuwa ka 1 tarik Iaiong, 2010. Ka jingpyntreikam ia ka pension scheme ba thymmai na ka bynta ki nongtrei, kiba rungkam hadien ka 1 tarik Iaiong, 2010 ruh ka dei ban dang bteng”.
Kane ka mukotduma ka dei halor ka Centralised Rpovident Fund Scheme jong ka Sorkar Jylla ia ki skul deficit bad ki college ha Meghalaya.
Ka shithi na ka Tnad Education ba 23 tarik Risaw, 2024, sha u Advocate General ka pyntip ba dei ban pyntreikam noh ia ka Centralised Provident Account ia kito ki nongtrei kiba ryngkam shuwa ka 1 tarik Iaiong, 2010.
Ha ka shithi ba 30 tarik Nailur, 2024, ka Sorkar kala bthah ia baroh ki nongtrei jong ki skul bad ki college kiba hap hapoh ka grant0in-aid scheme ba kin phah ia ka pisa bala pyllang ha ka Contributory Provident Fund sha ka Centralised Provident Fund Account “The Meghalaya Non-Government School and College Central Pension and Provident Fund” bad ka State Bank of India , na ka bynta kine ki nongtrei.
Hynrei ha ka paragraph 2 jong kane ka shithi, la ong pat ba ka Sorkar Jylla kala iasoi ia ka Memorandum of Understanding bad ka State Bank of India ha ka 22 tarik Risaw, 2024 ban pyntreikam ia ka pension scheme ba thymmai ia kito ki nongtrei kiba rng kam ha lane hadien ka 1 tarik Iaiong, 2010.
Ka jingpyntreikam ia kane ka pension scheme ba thymmai ka dang don ha ka jingpynkhreh.
, ka Iingkashari kala ong “Namar kane ka kam, ngi bthah ia ka SorkarJylla bad ka State Bank of India ban pyndep noh ia ka Memorandum of Understanding hapoh ka 30 tarik Naiwieng, 2024 bad ban pynbna ia ka skhim kaba iahap ha ka gazette jong ka Sokar hapoh ka 15 tarik Nohprah, 2024, kaba kdup ia baroh ki nongtrei kiba rung kam shuwa ka 1 tarik Iaiong, 2010. Ka jingpyntreikam ia ka pension scheme ba thymmai na ka bynta ki nongtrei, kiba rungkam hadien ka 1 tarik Iaiong, 2010 ruh ka dei ban dang bteng”.){kind=link}