Shillong, Nailar 29 : Ka Iingkashari Meghalaya High Court ha ka sngi Nyngkong, kala bthah ia ka Sorkar Jylla ban shim ia ka sienjam ba donkam ha kaban tohkit bniah (disciplinary proceeding) pyrshah ia u Gabriel K Iangrai, u Pulit MPS ba shah sospon, kat kum ki kyndon jong ka Ain.
Ka kynhun Special Investigation Team jong ka Tnad Crime Investigation Department (CID) ka Jylla, ha 2 tarik Naiwieng 2022, kila kem ia u Bah Gabriel K Iangrai halor ka jingkynnoh ba u pyndonkam bakla ia ka pisa ha ka jingthied ia ki kali bad ka pisa bala mang ban tei ia ka NERS PSAP ha Sadar PS Complex.
Hynrei, ha ka jingshong bishar ka Iingkasahri ha ka sngi Nyngkong, ka Sorkar kala aiti ia ka kaiphod halor ka jingiaid ka jingtohkit bala shim pyrshah ia une u Heh Pulit.
Ka Iingkashari kala sngew baka jingtohkit bniah ia une u Heh Pulit ka dang duna palat namar ka jingjah u Presenting Officer ba dei ban leh ia ka kam namar ka jingshim shuti ba pang, bad ynda wan phai, ula shah sumar na ka jingpang typhoid.
Ka Iingkashari ka pynpaw ia ka jingkyrmen ba une u Ophisar ula koit na ka jingpang bad ula lah ban pyniaid noh shakhmat bad ka lah ai jingpynshitom (disciplinary action) ia une u Heh Pulit kat kum ka Ain.
Ki Pulit kila register case pyrshah ia une u Heh Pulit ha ka 28 tarik Risaw 2022. Hynrei ha ka 30 tarik Lber, ka Iingkashari u Magistrate kala ai jamin noh ia u Bah Gabriel.
Shuwa kane, ka Kynhun tohkit bala khlieh da u Inspector General ( Law & Order) Mukesh Kumar Singh, kala lap ia ka jingdonkti u Bah Iangrai ban thied haduh 29 tyli ki kali ha ka por ba u dang bat kum u Assistant Indpector General of Police (Administration).
Pule ruh: Sawa jam ka sur ‘Save Democracy’ ha ka Iingdorbar ka Manipur hapdeng ka huri hura
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
 pyrshah ia u Gabriel K Iangrai, u Pulit MPS ba shah sospon, kat kum ki kyndon jong ka Ain.){kind=link}