Tura, Nailur 19 : Ka Tnad ka Koit ka Khiah ka Jylla kala bthah ia ki nongshongshnong ka West Garo Hills bad South West Garo Hills ba kin long kiba phikir bha ialade bad ban shim ia ki sienjam ban iada ialade na ka jingpang Dengue (khieshoh) namar ka jingsaphriang ka jingpang ha ka thain.
Haba iakren bad u nongai khubor, u Tenzing Ch Marak, District Vector Borne Disease Consultant ka West Garo Hills bad South West Garo Hills, ula ban jur halor ka jingdonkam ban peitpyrman. “Kane ka dei ka aiom jong ka jingpang Dengue (khieshoh) bad bun ki case kila mih. Baroh dei ban shim ia ki lad jingiada” ula maham.
Ula kdew ba ki dak jong ka jingpang dengue ki kynthup ia ka jingshit met, pang khmat, pang ki ksah bad ki mat. Ha kiba la jur, ki nongpang ki lah ban ioh ia ki khniang sniehdoh.
Ban pynthikna ia ka jingpang, ka Civil Hospital Tura ka dei ka jaka bala buh ban leh ia ki test. Katba kiwei ki jaka sumar ha Garo Hills ki dei tang ki rapid test kits ia kiba suba don jingpang bad tang ka Tura Civil Hospital kaba lah ban ai ia ki jingsumar, ula ban jur.
 namar ka jingsaphriang ka jingpang ha ka thain.){kind=link}