-->

Bei ka Sorkar Pdeng T.100 klur ia ka TBWSS ban weng jingkyrduh um ha Tura

Date:

Share post:

Shillong, Naiwieng 11 : Ka Sorkar Pdeng kala bei pisa haduh T. 100 klur ban pyntreikam ia ka Tura Bulk Water Supply Scheme (TBWSS) khnang ban lah weng noh ia ka jingkyrduh um jong ka sor Tura.

Haba pyntip ia kane, u Myntri ka Tnad Public Health Engineering Marcuise N Marak ula ong ba kane ka skhim ka dei kaba la mang hapoh ka North East Special Infrastructure Development Scheme (NESIDS) bad kan iarap ha kaban tem ia ka jing kyrduh um bala mad da ki nongshongshnong ka sor Tura.

“Hadien ba la pyndep lut ia baroh ki jingdonkam, ngin sa khot ia ka tender ban phah pyntrei noh mar mar” ula ong haba pyntip ba ka Sorkar India kala ai T.100 klur ia kane ka project.

Ula ong ba ka Tnad kan sa phah ia ki jingtyrwa ia kiba bun ki project namar ki project bala don mynta kim pat biang satia ban lah pyndap ia ka jingdonkam um ka sor Tura.

“Ngi don jingthmu ban thaw ia ka top um kaba hep kaba lah ban pyndonkam ha kiba bun ki kam ba kynthup ia ka jingai um sha ki jaka rep bad kiwei kiwei” ula ong haba ban jur ba kane ka top um kan long ruh kaba donkam ha kaban iarap pynioh um ia ki kali pynlip ding ha ka por ba jia ki jingjia pluh ding.

Ha kajuh ka por, u Myntri ula pyntip ba ka Sorkar kala pan ruh ia ka jingkyrshan jong ka Sorkar Pdeng na ka bynta ka skhim sam umbam umdih ha New Shillong Township.

Share post:

-->
spot_img

Popular

More like this
Related

Garo jacket of Eri silk and pineapple fibre weaves spirit of sustainability at the Delhi event

Shillong, Oct 5: When actor Ashutosh Rana wore a...

SPL | Pynliem ka Mawlai ia ka Laitkor bad kiew biang sha ka kyrdan ba  nyngkong

Shillong, Risaw 5:  Ka kynhun ialehkai ka Mawlai ka...

Assam | Yn tei ka Sorkar ia 15 tylli ki jaka pyllang um ban tem ia ka jingshlei um

Guwahati, Risaw 5: Ka sorkar jong ka jylla Assam...

Manipur | Kem ki bor pahara sa 12 ngut ki ehrang kaikhlaw kynthup ki ehrang ka UKNA

Imphal, Risaw 04: Ki bor pahara ki la kem...