Nongpoh, Rymphang 17: Ki nongshong shnong ka Maikhuli, ka shnong khappud ha Ri Bhoi District, ki la beh krad ia saw ngut ki briew na Assam kiba thmu ban leh sorjamin ha ki jaka ba dang hap hapoh u pud jong ka Meghalaya.
Katkum ka khubur ba la iohlum, saw ngut ki briew ki bym lah ban ithuh bad kam ba ki dei kiba trei ha ka kompani Genesys International Corporation Ltd kila wan rung ha shnong Maikhuli bad kam ba la phah ia ki na ka jylla Assam ban leh sorjamin ha ki jaka kiba hap hapoh ka thaiñ Maikhuli.
Ki nongshong shnong ka Maikhuli tang mar ia iohi ia ka jingwan kine ki briew bad leh sorjamin, ki la leit ban kylli pyrthew bad hadien kila beh krad noh ia ki.
La iathuh ba kine ki briew kila kam ba la phah leh sorjamin ia ki da ki bor na Assam.
