Shillong, Sep 28: Ka Meghalaya Cricket Association hynne ka sngi Palei, kala pynbna ia ka kyrteng jong ka kynhun jong ki 15 ngut ki kynthei, kiban iashimynta ha ka BCCI Senior Women’s T20 Trophy.
Ki jingiakhun ka jylla Meghalaya kin long ha Vadodara bad ka jingialehkai kaba nyngkong eh kan long pyrshah ia ka Pondicherry ha ka 19 tarik u Risaw.
Kiwei kiwei ki kynhun kiba don ha katei ka Group ki kynthup ia ka Karnataka, Tamil Nadu, Bengal, Chandigarh, Saurashtra bad Uttar Pradesh.
Ki nongialehkai kiba la shah jied haka MCA Senior Women Selection Committee kidei kiba la ialehkai bha ha ka jylla ha kine ki snem kiba la dep bad kin ioh ia ka lad ban pyni ia ka sap ka jongki pyrshah ia ki kynhun kiba khlain ha ka ri.
Yn pynlong ia ka Prepatory Camp naduh ka 6-15 tarik u Risaw ha Mendipathar, North Garo Hills. Ki Support Staff bad ki Nongialehkai kiba na shabar jongka NGH kin hap ban wan ai jingtip ha ka 5 tarik u Risaw.
Ki nongialehkai kin mih na ka jylla ha ka 16 tarik u Risaw.
Ka kynhun jong ka Meghalaya ka kynthup ia ka Ajima A Sangma, Daiaka Emigale Warjri, Debasmita Dutta, Deimaphishisha Lamare, Deiphibapynshngain L Mawnai, Eiffelene K Nongkynrih, Luiza Tamang, Rebeldalis Syiemlieh, Riticia Nongbet, Rubi Chettri, Sanchisa Sangma, Sandria K Momin, Solina Jaba, Suruti K Ray bad ka Monica L Phawa.
Ki Standby ki kynthup ia ka Pinky Chanda, Neha Hajong, Evanrilin S Syiem, Sara Ananias Kharbani bad ka Fulnessy Mawlong.
Ki Support staff ki kynthup ia ka Latika Kumari (head coach), Hemant Roy (assistant coach), Darishesha Mawroh (trainer), Marybalahun Sawkmie (physio), Mackie D Blah (manager)
Ka Meghalaya vs Pondicherry ha ka 19 tarik Risaw
Meghalaya vs Karnataka ha ka 20 tarik Risaw
Meghalaya vs Tamil Nadu, 22 tarik Risaw
Meghalaya vs Bengal, 24 tarik Risaw
Meghalaya vs Chandigarh, 26 tarik Risaw
Meghalaya vs Saurashtra, 28 tarik Risaw
Meghalaya vs Uttar Pradesh, 30 tarik Risaw
